Македонска Каменица влегува во завршната фаза од Проектниот форум, процес преку кој граѓаните директно учествуваат во изборот на проекти важни за идниот развој на општината.
На четвртата и завршна форумска сесија, која ќе се одржи утре, 1 октомври, граѓаните ќе имаат можност со своето гласање да одлучат кој од трите предложени проекти ќе добие поддршка од грант-фондот во вредност од 30.000 американски долари.
Во финалниот избор се најдоа три предлог-проекти:
– Музеј на рударство
– ЕКО пазар во Македонска Каменица
– Изградба на училишен кампус
На сесијата ќе бидат претставени начинот на гласање, правото на учество и критериумите според кои ќе се избираат проектите, по што ќе следува директно одлучување преку бодување.
Од Општина Македонска Каменица ги повикуваат граѓаните да бидат дел од овој процес и со својот глас да придонесат во дефинирањето на идните приоритети за развој на заедницата.
Четвртата форумска сесија ќе се одржи во 13:00 часот во Спортската сала на СОУ „Миле Јаневски – Џингар“.
Проектниот форум се реализира во рамките на проектот „Зајакнување на општинските совети – Фаза 2“.
