Претседателот на СДСМ Штип, Павел Иванов со реакција по како што велат, целосниот колапс на здравствениот систем во Клиничка болница Штип.
Интегрален пренос на прес-конференцијата:
Здравствениот систем во Клиничка болница Штип е пред распад и е во целосен колапс, а пациентите се оставени на милост и немилост.
Болницата чии услуги ги користат над 200.000 граѓани од целиот источен регион денес функционира без основни дијагностички апарати. Мамографскиот апарат е надвор од употреба, а сега нефункционален е и рентген апаратот.
Дополнително, во Центарот за јавно здравје Штип се прекинати или ограничени основните лабораториски анализи. Прашањето е , како во 21ви век граѓаните да останат без основни здравствени услуги?
Одговорноста за оваа катастрофална состојба има име и презиме.
Оправдување за ваков начин на менаџирање нема.
Граѓаните паметат и уште едно големо ветување -новата клиничка болница во Штип, а за која лично и градоначалникот Јорданов ветуваше дека ќе продолжи со изградбата. Денес, таму нема ниту камен поместено, ниту шајка заковано.
